Beynəlxalğə Təşkilot:Ğəzzədə vəşyanəti çe ğəsdo və pesoxtə formədəy
Beynəlxalğə Təşkilot:Ğəzzədə vəşyanəti çe ğəsdo və pesoxtə formədəy
Beynəlxalğə Təşkilot:Ğəzzədə vəşyanəti çe ğəsdo və pesoxtə formədəy
"Hırdənon Xilos bıkənən"beynəlxalğə təşkiloti rəhbər ıştə çoşanbə ruji doə bəyonotədə bə Ğəzzədə bıə fociyəvi vəzyəti işorə kardə holədə bəyonış kardə ki, bın tanqədə bıə vəşyanəti bə plani əsos,proqnoz kardey bıə və suni qıləy ğəhətiye.
"Hırdənon Xilos bıkənən"beynəlxalğə təşkiloti rəhbər “Cantiye Sorpo” ıştə bəyonotədə Ğəzzədə vəşyanəti siyosətış həmməysə yavə formədə çe canqi usuli hisob kardə holədə,çı seonist rejimi ın vəşyanəti bə oxo rosney ğadir bey,lakin çandə da qılə ğeyri-hukumət təşkiloton de bə Ğəzzə humanitarə imdodon vığandey anqıl tələbon rədd kardeyış bəyon kardə.Sorpo bo ın fəlokəton navi qəteyro bə qlobal məsuliyyəton və vəzifəon işorə kardə holədə,dınyoədə har qıləy ğəror doə şəxsi bın mevzuədə huğuği və mənəvi məsuliyyəti beyış bəyon kardə.
“Hırdənon Xilos bıkənən" beynəlxalğə təşkiloti rəhbər həm de Ğəzzədə kıştə bıə hırdənon və bəçəvon maqi oruzu kardey ziyodə rəğəmədə bey anqıl ıştə nığılə norohətçətiş ifodə kardə və bəyonış kardə ki,ziyodə rəğəmədə fələstınıjə hırdən çe israyili hərbi təcridxonənədə oqətey beydə və bə beynəlxalğə standartlon bob nıomə hərbi məhkəməon navədə muhakimə beydən.
“Cantiye Sorpo” İMT Əmniyyət Şura uzv devləton bə israyili rejimi siloh ovoştıney oqətey və bə ın cinoyətkorə rejimi hərbi imdod nışon doeyku dast kəşey vanq jey holədə,eyni zəmonədə,bə məsuliyyəti mexanizmon himoyə və bın fociyəonədə iştirokçiyon navi qətey vocibəti təkid kardəşe.
