De Trampi otəşvəsi plani Həmasi de şərti rozi bıe

Həmas bə donald Trampi otəşvəsi cəvobədə, de canqi komilə surətədə çəy navi qətey iyən əsiron mıbodilə kardey və Ğəzzə mıstəğilə surətədə idorəçiyəti karde rozi bıə və Fələstini milliyə foydəon çərçivədə Ğəzzə omə rujon məsələon təhiğ bardeyşon tələb karde

Həmas Ğəzzədə bə Donald Trampi otəşvəsi plani cəvobədə de qıləy bəyoniyə sadir kardey elonış karde ki, ın cəvob de məntəğə vositəon və Fələstinıjə qrupon və daxiliyə mızokirəon nıvştə bıə ki, bə Fələstini milləti həxon və Ğəzzə omə rujon rabitə bıə məsələon cəmi surətədə təhğiğ bardey tələb və planon kali maddəon de şərti rozi bıey şomil bedə. ın bəyoniyədə Həmas bə ıştə milliyə məsuliyəti işorə kardey və bə Ğəzzə milləti ələyh israyil rejimi qenosid kardə canqi təcavuzi surətinə surətədə çəy navi qətey əlovəş karde ki, ıştə rəhbəriyə mərkəzonədə nığılə mızokirəon iyən de Fələstinıjə qrupon mızokirə karde və de reqiyonal duston və vasitəon votemon kardeyTrampi plani vədə bə məsolinə mevğe dastışon pəydo kardə. Həmas ın cəvobədə Ərəbi, İslomi və Beynəl-Xəlğə kişvəron cəhdiku bo canqi navi qətey iyən əsiron mıbodilə karde və surətinə surətədə humanitarə koməkon, de Ğəzzə işğal kardey və de Fələstini milləti məcburiyə kuç kardey mıxolifə kardeku ğədrdonətiş karde. Həmas dəvomədə elonış kardə ki, canq komilə surətədə bə oxo bırəso iyən Ğəzzəku işğalqərə rejimi ğıvvon xaric bıey çərçivədə de seonist rejimi həmmə əsiron (çı bəyji və çı çəvon cənozə) bə Trampi doə nəzə əsos roziye.

iyən Həmas təkidış karde ki, hozzı təciliyə surətədə vositəon tərəfiku ın mıbodilə cuziyati barədə bə mızokirə daxil bıbo, de ın şərti ki, bo çəy icro kardeyo lozim bıə məydoniyə şərayit icod bıbo.

co qılə baxşədə Həmas rozi bıə ki, bə mıstəğilə odəmon Fələstini heyəti Ğəzzə tanqə idorəçiyəti kardey elonış kardə ki, de ın şərti ki, bə Fələstini milliyə sazışi iyən de İslomi və Ərəbiyə kişvəron himoyə təşkil bıbo. Həmas təkidış kardə ki, bə Ğəzzə omə rujon rabitə bıə məsələon və Fələstiniyə milləti həxon ki, Trampi planədə omə bəpe Fələstini  milli və komilə çərçivədə əncom bıbo, ki, Həmas həm iştırokış bıbo.