Yəməni dronon bə işğal bıə əraziyon kardə hucum
Yəməni bepilotə təyyorəon bə işğal bıə əraziyon hucumışon kardə
Yəməni bepilotə təyyorəon bə işğal bıə əraziyon hucumışon kardə.israyili mənbəon çe Yəməni bepilotə təyyorəon bə işğal bıə əraziyon hucum kardeyku xəbəşon doə ki,bə Eylat porti (işğal bıə əraziyon cənub) hucumi bədiqə mudafiyə xəbərdorəti siqnalon bə ko dənoə bıə.
israyili Rədyo və Televiziya Təşkilot,çın rejimi ləşkəri seşanbə ruji peştçoştə çe Yəməni bepilotə təyyorəon bə dast vardeyışon iddiyo kardə. Eyni zəmonədə,çe israyili xəbə mənbəon həm dıminə bepilotə təyyorə bə Eylat şəhri səmt hərəkətışon bəyon kardə.İbrani medya çe Yəməni dronon bə işğal bıə əraziyon səmo sənibəton daxil bey dumo çe həyəconi siqnali bə ko dəğandeyku xəbəşon doə.
Bə israyili xəbə mənbəon məlumoti əsos,vist dəğiğə ərzədə Yəməniku seqlə bepilotə pəremoni aparat ğandə bıə və çominə qıləyni həm roysəy. Yəməni dronon dışambə ruji şəvi zəmonədə həm bə işğal bıə əraziyon nığılə vıron nufuz kardə holədə,Eylati portışon bə hədəf qətə.çandə ruj bənav həm Yəməni dronon işğal bıə Fələstini cənubədə israyili ləşkəri mudafiyə sistemonku dəvardə holədə Eylatədə qıləy otelış jeyə.
