Misrədə Ğətəri 3 qılə diplomat kıştə bin
Oct 12, 2025 13:05 Asia/Tehran
Misri Şərm-Əlşeyxi neziyədə, maşini hodisədə, 3 qılə Ğətərıjə diplomat kıştə və 2 qılə diplomat həm yarəjə bedən
Im maşin Ğətərıjə heyəti uzvon bə Misri Şərm-Əlşeyx səmt şə roədə bə hodisə dıço bedən və ın hodisədə 3 qılə diplomat, Əbdullah Ben Ğanem Əlxiyarin, Həsən Əlcabir və Səud Ben Samir Ali Sani kıştə bedən və 2 nəfər həm de şiddəti yarəjə bən.
Misri rəsmi şəxson dərhol hodisə məhələdə hozzı bedən və təhğiğaton bino karddədə Ğətər, Ğahirədə bıə xarici koon vəzorətxonə iyən səforətxonə ım hodisədə kırtə noxtəon cərəyonədə ğəror doydən.