Cəsusiyə lonə zəbt kardey, İroni siyosiyə mıstəğiləti stabilətiyədə oşkoə noxtəye

İroni İslomiyə Respublikə hərbiyə ğıvvon qıləy bəyoniyədə təkidış karde ki, cəsusiyə lonə zəbt kardey, dınyo ğudrəton sultə tələbəti vədə milləti irodə təcəlli və dindorə cıvonon nıtarsəti iyən İnğilobiyə bəsirət və oqohəti simvole və islomiyə İroni mıstəğiləti iyən zumandəti və səbarzəti roş həmo karde

Dınyo istikbari mığobilədə mıhkəm mandey iyən səbarzəti və mıstəğiləti tələb karde, İroni inkor nıkardə xususiyətonkuye ki, Həzrəte İmom Xomeyni-(r) hidoyəton və nışon doə roon nəticədə bino be və həkimə rəhbər Həzrəte Ayətullah-Uzma İmom Xameneyi(h) sayə jiyo tobə həmişə torixədə dəvomış bəbe. ın bəyoniyədə omə: Aban manqi 13 minə ruj ın dəvəşə həyğəti bəyod vardə ki, İroni millət bə İmon, oqohəti iyən İlahi Rəhbəri peştıpuri heç vaxt icozə nibədon ki, çəy milliyə kəromət iyən səbarzəti ziyon daxil bıbo və de vəhdət, ağlmandəti və həmmə cəhəto hozzı bıeədə,dışmenon hiyləon vədə mığovimət və mıhkəm mandə və İroni İslomiyə Respublikə fəxrinə pərçəmi bo həmişə ebəhaşte.