İraği parlamenti səçınədə sədo doey oxo

İraği Ali Səçıni Komissiya seşanbə şəvi de bumi vaxti çe kişfəri şəşminə parlamenti vıjıni umumi mərhələ bə oxo rəseyış elon kardə.

İraği parlamenti səçıni bın mərhələdə 21,4 milyonisə ziyodə inson bə vıjınədə iştirok kardey huğuği malik be.

İşambə ruji silohinə ğıvvon və seşanbə şəvi hevujə iştimoiyyət dı mərhələdə sədoşon doə və 7700-sə nomizədiku 329 nəfər bə İraği parlamenti daxil bıən.Kişfəri Mıstəğilə Ali Səçıni Komissiya çe sədo doey bənav və sədo doey zəmonədə İraği həmmə vıronədə 18 qılə səçıni dayirədə bə 8700 vıjıni məntəğə tam nəzorət kardedəbe.

İraği Mıstəğilə Ali Səçıni Komissiya sıxanəvot Cumanə Ğəlayi votəşe:Imruj 20.063.773 nəfər bo sədo doeyro ıştə səçıni vəsiğəonışon seyə.Qırd vıjıni məntəğəonədə səçıni təmomiyyəti icro və nəzorəti orqanon tərəfiku təsdığ kardey bıə.çımonsə əlovə,1200 beynəlxalğə muşahidəçi həm mıxtəlifə sahəonədə çe vıjıni prosesış təğib kardə.