Ğuds və Ğərbi Sahilədə fələstinıjon kəon xərobə kardey mutəşəkkilə cinoyəte
seonistə işğalçiyə ğıvvon tərəfiku Ğuds və bə Ğərbi Sahilədə fələstinıjon kəon xərobə kardey siyosəti işorə kardə Beynəlxalğə Ğudsi Mərkəzi rəhbər ımış çe fələstinıjon vucudi miyoniku bardey və boəvoni dərbədər kardey və bənə vey təhlukəynə qıləy siyosətiş xarakterizə kardə.
Beynəlxalğə Ğudsi Mərkəzi rəhbər Həsən Xatıri votəşe:İşğal bıə Ğudsi şərğədə,Silvanədə Vadi Ğəddum məhəllədə israyili işğalçiyə ğıvvon tərəfiku çomərtəbəynə jimoni bina xərob kardey tammığyosinə qıləy cinoyəte və ım mığəddəsə şəhrədə çəvon vucudi hədəf qətə fələstinıjon çe ğəsdo dərbədər kardey siyosəti nışon doydə.Əy əlovəş kardə:Im xərobə kardey çe Ğudsi 100-sə veyə sakini dərbədər kardey səbəb be.
Həsən Xatır bəyonış kardə:"Bə əməl omə çiyon işğalçiyon tərəfiku çe Ğudsi mıxtəlifə əraziyonədə icro kardə bıə qıləy plani siyosəte və şimoliku tobə cənubi,ə cumlə həm Yətta,Hebron,Beytləhm, Yerixo,Nablus,Salfit,Cenin və Tulkərmədə tosə Ğərbi Sahili səmt dəvom kardedə."
