Hizbullah nımoyəndə bə seonist rejimi quzəşt kardey barədə doə çəşnavi

Hizbullah numoyəndə xəbərdorəti kardedə:Bə seonist rejimi quzəşt kardey çe Livani əmniyyəti təhdid kardedə

Hizbullah Livani Parlamentədə bıə numoyəndə bə kişfəri ıştəni mudofiyə kardey huğuği təkid kardə holədə,bə seonist rejimi imtiyoz doey əsosən nəzəon çe Livani vətəndoon milli mevğey iyən əmniyyəti bə təhlukə ji noey barədə xəbərdorətiş kardə.

Livani Parlamentədə bıə "Bə Mığoviməti bəfodor" fraksiya uzv Əli Fəyyaz bə seonistə dışmeni"ozodə quzəşton"nom noə çiş de şiddəti tənğıdış kardə və bə Livani ıştəni mudofiyə kardey təbiyi huğuği təkid kardəşe.

Fəyyazi əlovəş kardə:seonist rejim bə əraziyon işğal kardey,suverenəti darıştey,terror kardey və məhv kardey dəvom kardedə və çəy məğsəd təslim bey şərton noey və bə marzi mənbə iyən resurson hakim beye.

Livani Parlamentədə bıə Hizbullah numoyəndə çe Mığovimət və Livani ləşkəri məğsəd seonist rejimi bə dumo pekırey,hərbi əməliyyoton oqətey və məhbuson ozod kardey həm daxil bıə holədə,bə beynəlxalğə huğuği əsosən milli huğuğon mıhofizəş hisob kardə.

In nımoyəndə həmçinin de israyili rejimi mızokirəon mohiyyəti əloğədor ruşinəti vardeyış tələb kardə və beəsosə quzəşton Livani mızokirəon mevğey və əmniyyəti zəyif kardey barədə çəşnavi doəşe.