Əl-Mənar telekanali mucri ğətli məhkum kardey

seonist rejimi çe Əl-Mənar telekanali mucri ğətlədə bıə cinoyəti de ğətiyyəti məhkum kardey

İroni Xarici Koon Vəzirəti sıxanəvot İsmoyl Bəğayi çe seonist rejimi bə Livani hucum kardə holədə Əl-Mənar telekanali icroəkə Əli Nurəddini terrorədə bıə cinoyətkorə hərəkətış de ğətiyyəti məhkumış kardə.

Xarici Koon Vəzirəti sıxanəvot de Əli Nurəddini şəhid bey mınosibəti bə Əli Nurəddini xıyzoni iyən bə Livani medya iştimoiyyəti səbəsəloməti doə holədəı,çe seonist rejimi hərəkətış dəhşətin və terroristə cinoyət və bə medya uzvon ələyh har qılə hucumi ğədəğən kardə beynəlxalğə huğuği fundamental ğaydəon hoziyə şikilədə darışteyış xarakterizə kardə və beynəlxalğə iştimoiyyəti,İbıə Milləton Təşkiloti və beynəlxalğə huğuğ və cinoyət orqanonku çe seonist rejimi kardə cinoyəton bərrəsi və təhğiğ kardey və əy bə məsuliyyəti cəlb kardey məsuliyyəti təkidış kardə.

Əv,çe seonist rejimi 2024-ə sori noyabrə manqədə otəşvəsi roziyəti dəvominə şikilədə darıştey və bə Livani milli suverenəti və ərazi təmomiyyəti zidd bıə dəvominə hucumon işorə kardə holədə,reqiyoni kişfəron və beynəlxalğə iştimoiyyətiku bo de seonist rejimi beğanunə hərəkəton və canqi otəşi şuləvər kardey koy muborizə bardeyro kollektivə məsuliyyət beyış ğeyd kardə.