İslomi Dınyo Alimon:22 Bəhmən çı Mığoviməti Simvole

İslomi dınyoku i qrup alim,elit və mutəfəkkirə şəxson mesajədə ​​22 Bəhmənışon fəğət bə İroni milləti məxsus nıbey zınəşone və təkidışon kardə ki,ımruj bəlkəm bo İslomi millətiro qıləy torıxi və ilhomədə ruje.

Joqo ki,çe İraği Sınniyə Uləmaon Assosiasiya rəhbər Şeyx Xalid əl-Molla,Livani Mısılmonə Uləmaon Assosiasiya Ğəyyumon Şura rəhbər Şeyx Ğazi Həninə,çe Fələstini Uləmaon Şura rəhbər Şeyx Huseyn Ğasım və İslomi dınyoku çandə qılə co elit və alimə şəxson mesajədə ​​22 Bəhmənışon fəğət bə İroni milləti məxsus nıbey zınəşone,bəlkəm təkidışon kardə ki,ın ruj bo İslomi millətiro qıləy torıxi və ilhomədə ruje.Bəçəvon bovə əsos,22 Bəhmən İslomi milləti bə qlobal təkəbbur cərəyoni ələyh bıə mığoviməti, irodə və əzmkorəti simvole.Əvon təkidışon kardə ki,22 Bəhməni ruj İroni İslomi İnğılobi bo İslomi millətiro və bo dınyo qırd ozodə insononro qıləy dıjdə dərs heste;Im dərs nışon doydə ki,əslə İslomi kiyəti,çe mahbubə İslomi ləyoğəti və barzəti fəğət çe əzmkorəti və mığoviməti sayədə ımrujnə çırkin və hukmronəti kardə dınyoədə xandi kardey və bə dınyo təğdım kardey bəbe.In alimon və eliton İroni İslomi İnğılobi səbarzə mığoviməti coninə nımunəşon hisob kardə və 22 Bəhməni rujışon çe İslomi oğoəti torıxədə qardışi noxtə və İslomi dınyoədə bo ozodəti dumo bıə hərəkotiro bənə ilhomi mənbə təğdım kardeşone.