Dubayədə texnoloji dıjdə ofison dəbastey

Bə İroni həmlə bədiqə reqiyonalə ziddiyət de şiddəti vey bey holədəy.

SNN kanali hisobotış doə ki,amerkə iyən sehyonist rejimi bə İroni həmlə bədiqə reqiyonalə ziddiyət de şiddəti vey bıə iyən ın hucumon bə Dubayədə çı amerkə texnoloji dıjdə şirkəton ofison dəbastey boyis bıə.İnvidya şirkəti direktori elonış kardə ki,çı amerkə aparati təminoti şirkəti dubayədə bıə texnoloji dıjdə ofison mıvəğğəti dəbastə bıə iyən koəvonon diyəro royku ko bəkardeyn.Amazoni həm elonış kardə ki, ğərbi asiyədə ıştə şirkəton qırd ofisonışon bastə və bəştə koəvonon əmrış kardə ki,çe kəyku ko bıkon iyən çe ıştə lokalə rəsmiyon əmron təğib bıkon.ın amerkəvıjə firma çe reqiyoni çandə qılə kişfəronədə min cumlə İƏƏ,Səudiyyə Ərəbıston,İordaniyə,Bəhreyn,Kuveyt,Misr,Tırkiyə iyən işğal bıə sərzəminonədə ziyodə ofis iyən mərkəzonış heste.İƏƏ iyən bəhreynədə amazoni 2 qılə məlumoton mərkəz bə dronə hucumon təsiri xoto ziyonışon vində ki,ım həm çe super kompyuteron xıdmətonədə xələlış icod kardə və bəçəvon bə coqlə məkoni transfer kardey niyoz heste.Quqıli şirkətiku çandə da nəfər koəvonon həm bo dubayədə həvatemoni konfransədə iştirok kardero əyo oməbe,bə məntəğədə hovujə şikilədə bıə peremonon ləğvi xoto ısət əyo dəmandən.