Ğətər:De Hormuzi tanqə anqıl İron-Omani mızokirəon navşemonış kardə

Pars Tudey-Ğətəri Xarici Koon Vəzirəti sıxanəvot çı İroni İslomi Respublikə de Omani Sultonəti miyono de Hormuzi luki anqıl mızokirəon dəvom kardeyış bəyon kardə.

Pars Tudey bə İroni Tele-Rədyo Şirkəti istinodən doə məlumoti əsos,Ğətəri Xarici Koon Vəzirəti sıxanəvot Məcid Əl-Ənsari seşanbə ruji bərpo bıə mətbuat konfransədə çı İroni İslomi Respublikə de Omani Sultonəti miyono de Hormuzi luki anqıl mızokirəon oxonə vəzyəti izoh kardə holədə,çın mızokirəon bə qıləy inkişof kardə mərhələ və kritik və həlləkə noxtə rəseyış elon kardə. Əy bımiş işorə kardə ki,har dıqlə tərəfiku bə mısbətə rayış seyə və Ğətəri bənə qıləy vositəçi çe eskalasiya bəkam kardey və Hormuzi tanqə rə qıləy zəmonədə ojbey boyis bıə har qıləy səy komilə surətədə bəy dastək doey təkid kardəşe.