Səudi Ərəbıstoni təcavuzkarə təyyarəon hucumədə yəmənı milləti ğətlıam

Bə yəmənı ğeyre hərbiyə binaon Səudi Ərəbıstoni tojə təşkil bə həvoiyə hucumədə 19 qılə ğeyre hərbiyə yəmənıjə şəhrvandonku kıştə bedən.

Bə yəmənı Əlaləm TV kanali ımrujnə xəbon əsosi Səudi Ərəbıstoni hərbiyə təyyarəon yəmənı ğərb Əlhədidə ostanədə  Məravəə şəhri bombardımon kardən ki bə 16 qılə ğeyre hərbi kıştə be iyən 11 nəfəri yarəjə be bois bedə.

Səudi Ərəbıstoni hərbiyə təyyarəon həmçinin bə Əlhədidə ostani Əldərihmi şəhri həm hucum kardən ki nəticədə 3 qılə ğeyre hərbi kıştə bedən.