Qeneral Mayor Səlami: vey yolə səbarzətion omə rujonədə muşahidə bəbe.

İroni sepah təşkilati fərmondə caneşin Qeneral Mayor Hussein Səlami bə məntəğədə terroriston və Ərəbistoni məğlubiyəton işorəş kardə ijən votışe: mığovimət cəhbə səbarzətion barədə muhimm və yolə muvəffəğiyəton omə rujonədə muşahidə bəbe.

Bə İrib raporti əsos Tehronədə Qeneral Mayor Hussein Səlami votışe: İronədə əmniyyət və estabiləti vəziyət vey çokə şərayetədə heste və hol ım ki bə İroni zidd deşməntion ijən dəvom peydo kardə.

İroni silohinə ğıvvon aliyə sıxənəvot Qeneral Mayor Seyed Məsud Cəzayeri həm tojədən Mosulədə muvəffəğiyəton və səbarzətionış təbrik votışe və de təkid karde bə İraqi milləti, devləti və hərbion mığovimət və vəhdət təsdiğış kardə: Daeş terroristiyə qrupi dastiku Mosuli ozod karde, çı Amerkə və məntəğə bəzi kişvəron təcziyə və çand poə əkə planon məğlubış kardə.

Qeneral Mayor Cəzayeri əlovəş kardə: bənə İrağədə çı Amerkə və Ərəbistoni muzduron məğlub karde, Suriyə, Yəmən və co kişvəronədə həm tikror bəbe boçi ki Mosulədə terroriston məğlubiyət məntəğədə mığoviməti səbarzəti və Amerkə məğlubiyəti nışonəy.

İraği i minə vəzir, Heydər Əlebadi 37 manq mığoviməti bəpeştə çand ruj çımiku bə nav bə İraği şimalədə bıə Mosul şəhri ğədimiyə məntəğəon varid be və əmələn Daeşi məğlubiyət və İraği hərbion səbarzətion elanış kardə.