İronədə 120 qılə terroristiyə əməliyat xonsa bıə.

İroni kəşfiyyət vəzir dəvardə soron mıddətədə İronədə 120 qılə terroristiyə əməliyaton xonsa kardeku xəbəş do.

Seyed Məhmud Ələvi votışe: həminə ğeyd bıə əməliyatonədə iştirokəkə terroriston həmmə ya həlok və ya dəstqir bıən.

İroni kəşfiyat vəzir təsdiğış karde: İronədə hiç vırə noəmn ni ijən İmom Zəmon(ə)-i qim nomə əsqəron çı İroni milləti çəş və quşonin.

Seyed Məhmud Ələvi ijən votışe: İron bə hiç ğudrəti kişvərədə nıfuz peydo karde və ya xod xərob əkə terroristiyə əməliyaton əncom doero icozə ni bədoy.

Əv bə Tehronədə tojə terroristiyə əməliyat işorəş kardə və votışe: həminə əməliyatədə ğeyri mıstəğim iştirokəkə iyən plan əkəşə terroriston 2 ruji mıddətdə dəstqir ijən çəvon rişə bırniyə bıə.

Seyed Məhmud Ələvi bə dınyo kişvəron təəccub ijən zəifəti çı İroni zumand və komilə reaksiyaon barədə votışe: İroni kəşfiyyat vəzarətxanədə koəkəyon həmmə hərbion kənoədə bo əmniyyət və oromtəti hifz kardero vey çok həmkari kardedən.

Bə İşid terroristiyə qrup vabəstə bıə mızdoron İyoni 7ədə de Ərəbiston və Amerkə kəməki İroni parlament və İmom Xomeyni(r) pokə hərəmədə qıləy befoydə terroristiyə əməliyati əncomışon do.

Im hucum 18 nəfəri şəhodəti bois bıə.