Ərəbıston 3 sore ki yəmənıjə hocionış həcciku məhrumış kardə.

Yəmənı məmləkəti vəğf idarə bo 3 minnə sori yəmənıjon bə Beytullahelhəram daxil beyu Səudiyyə Ərəbıstoni tərəfo mane təşkil kardeyu xəbəş doə.

Bə Əlaləmı ımrujnə xəbon əsosi yəmənı vəğf idarə rəis Əbdullah Amer votışe: Səudiyyə Ərəbıston həc mərasimi bərpo kardeyu yəmənıjə hocion  məhrum kardeədə bə islam və mıslmonon deşmenon xıdmət karde roədə həccı mənəviyə mərasimi siyasi karde niyyətdəy.

Amer həmçinin Səudiyyə Ərəbıston rejim iyən çəvon muzdoron hərəkətış Əlriyadı hotelonədə həc mərasimiku bənə qıləy ticarət bəhrə bardeyu məhkumış karde.