P.K.K çı Barezani təklifi rədış kardə.

Məhəliyə mənbəon elan kardışone, İraği Kırdıston məntəğə rəis bə Tırkiyə Kırdıston Fəhləon Partiya hərbion təklifış doə ki İraği şimalədə, Neynəva ostani Səncar şəhrədə huzurışon bıbu əmmo Məsud Barezani ım tələb çı P.K.K tərəfiku ğəbul bə ni.

Həmzəman çı İraği Someriyə Niyoz televeziya kanal raportış doə ki Barezani bə Neynəva daştədə bıə qrupon həm təklifış doe ki əqə Kırdıstonədə huzurışon bıbu, Kırdıston məhəliyə dıvlət bəvon zumandə qarantiya bədoy.

Im qılə holədəy ki İraği parlament çı İraği prezident və i minə vəziriku tələbış kardə ki Kırdıston məntəğə referendumi barədə muzakirəon xoto qıləy iclosədə hozzo peydo bəkən.

Məsud Barezani tojədən bə İron və Tırkiyə əleyh həm hərzə sıxənon bəyonış kardə ijən votışe: Erbil pidəş ni məntəğədə bıhranon amil bıbu və ım ki İraği Kırdıstoni hamsoyəon çı İraği vəhdət və i bemoni fikədə bıbun vey təəcubi bois bedə.

İraği Kırdıston islamiyə cəmaət həm tojədən təsdiğış kardə İraği Kırdıston məntəğədə mıstəğil bey referendumi dəvoniye İraği Kırdə qrupon miyono siyasi bohranon vey karde bois bəbe.

İraği kırdıston məntəğə bəzi partiyaon de Məsud Barezani ğəroli bərobər Sentiyabri 25ədə İraği kırdıston məntəğə mıstəğil bey referendomi təsdığ kardən.

İraği mərkəziyə dıvləti rəsmi şəxson iyən məntə kişvəron vey kərə ıştə muxalifəti de həminə ğərol elan kardedən.