Əl-İbadi çı Kırdıston məntəğə referendumi vəy qəte əmri sadirış kardə.
-
Məntğə kişvəron vey kərə ıştə muxalifəti de kırdıstoni mıstəğil bey elan kardəşone.
İraği i minə vəzir, ım kişvəri Kırdıston məntəğədə referendumi vəy qəte əmri sadirış kardə, ğərole ki ım referendum Sentiyaberi 25 ədə bərpo bıbu.
Bə İrna raporti əsos çəy bəpeştə ki Heydər Əlebadi çı İraği kanistusiya məhkəməku Kırdıston məntəğə referendumi ğeyri ğanuni elan karde tələbış kardə ım məhkəmə həm həmonə referendumi ləğv karde əmri sadir kardışe.
Tojədən İraği Kərkuk məntəğəku xəbə omə ki Kırdıstoni çı İrağiku co karde mixalifon və tərəfdaron miyono daveon nəticəku 2 nəfər kıştə iyən 3 nəfər zəxmin bən, ım hadisə bəpeştə Kərkukədə əmniyyətiyə məmuron ğəror doəşone.
Zinə şəv həm çı İnqeltrə mudafiə vəzir Bəğdadədə İraği rəsmion mıloğat karde bəpeştə bə Ərbil varid be.
İnqeltrə vey kərə elanış kardə ki Kırdıstonədə referendumi dəvoniye İrağədə de İşid mubarizə barədə cərəyoni zəif bəkay.
Tojədən İraği əmniyyətiyə kabinet həm qıləy bəyoniyədə rəsmi surətədə elanış kardə: İraği Kırdıston məntəğə co karde referendum ğeyri ğanuni ijən bo İraği milləti vəhdət və milli əmniyyətiro qıləy təhdide.
İraği kırdıston məntəğə bəzi partiyaon de Məsud Barezani ğəroli bərobər Sentyabri 25 ədə İraği kırdıston məntəğə mıstəğil bey referendumi təsdığ kardən.
İraği mərkəziyə dıvləti rəsmi şəxson iyən məntğə kişvəron vey kərə ıştə muxalifəti de həminə ğərol elan kardəşone.
