Yəmənıjə ğıvvon"Şəboh" ostanədə bə Səudiyyə Ərəbıstoni muzdoron hucumışon barde.
Yəmənı silahlinə ğıvvon iyən milləti tərəfiku təşkil bə komitəon uzvon Şəboh ostani Əsilan baxşədə Ələkdəh nomo bə məntəğədə bə Səudiyyə Ərəbıstoni muzdoron mərkəzon hucumışon bardə.
Bə Əlaləmı ımrujnə xəbon əsosi mediyaon elanışon kardə ım əməliyat yəmənı silahlinə ğıvvon iyən mubarizəəkon tərəfo ərəbıstonı hərbiyə təyyarəon təcavuzkarə hucumon cəvobədə əncum bəy və nəticədə Səudiyyə Ərəbıstoni xəyli muzdoronku həm bə həlokət rəsən və təcavuzkaron bəzi sərkərdəonku mincumlə Əli Mubarək Təlan Əlharesi yarəjə bən və çəvon çandə qılə hərbiyə maşin həm arəku şəy.
bə ım mənbəon elanon əsosi yəmənı silahlinə ğıvvon iyən mubarizəəkon həmçinin muvəfəğ bən Əlhikmə və Beyt Dəbuh məntəğon həm Səudiyyə Ərəbıstonı muzdoronku təmiz bıkən.
yəmənı silahlinə ğıvvon iyən mubarizəəkon çı məmləkəti cənub ğərb Təez ostanədə de rəketi bə Səudiyyə Ərəbıstonı muzdoron qonə hucumonışon təşkil doə.
