Suriyə barədə İron və Rusiyə miyono muzakirəon dəvom.

Bo Suriyə bohran və problemi həl kardero Rusiyə prezidenti məxsusə nımoyəndə ijən İroni xarıci vəziri Ərəbi və Afriqaiyə muavin çı Astanə 7 minə iclosi muğəddəmə barədə votımon və muzakirəşon kardə.

Bo Suriyə bohran və problemi həl kardero Rusiyə prezidenti məxsusə nımoyəndə Əleksander Lavrentiyev Tehronədə ijən bo Suriyə bohrani həl kardero həmçınin Astanə şəhrədə bıə omə iclosi muğəddəmə koon barədə de İroni xarıci vəziri Ərəbi və Afriqaiyə muavin Huseyn Caberi Ənsari vindemonış kardə.

Suriyə bohrani barədə İron və Rusiyə ali rəsmi şəxson ım mıloğatədə Suriyədə çı daveon məntəğəon kam karde və Suriyədə bo sulhi bərğəror kardero tojə planon barədə suhbət kardışone.

Astanədə muzakirəon de İroni təklif və Rusiyə, iyən Tırkiyə huzuri bo Suriyə bohrani çı siyasi royku həl karde xoto əncom bıə ijən detosə bə ısət 6 dıvrə muzakirəon de Suriyə muxalifon ıştirok karde əncom bıə.

Astanə muzakirəon detosə bə ısət çı Suriyə bohrani həl kardero vey mısbətə muzakirə heste ki Amerkə və Amerkə həmpeymonə dust kişvəron iradəonku bə kəno əncom bey holədəy.