Suriyədə Deyr-Əl-Zur ozod bıə.

Fransə aqentiyəti zinə şəv qıləy Ekskluziv xəbərədə raportış do Suriyədə bəşər həxon diyə əkə təşkilat ki bə Suriyə muxalifon vabəstəy elanış kardə ki Suriyə hərbion Deyr-Əl-Zur nomo bıə stratejikə şəhri çı Daeş terroristiyə qrupi işğaliku ozod kardəşone.

Çımiku bə nav Suriyədə meydoniyə mənbəon elan kardəşon bən ki Suriyə hərbion de mığovimət cəhbə himoyəon zinə Deyr-Əl-Zur şəhri məhələon ozod karde əməliyaton dəvomədə çandə çın şəhri baxşon ozod kardəşone.

Suriyə hərbion ijən muvəffəğ bən ım şəhrədə Əlnur nomo bıə noxşxonə və umumiyə parki həm ozod bekən və bə ım şəhri ğədimiyə terminali tərəf şən.

Suriyə hərbion və mığovimət ğıvvon dəvardə rujonədə həm ım şəhri 3 qılə məntəğəon əcumlə çın şəhri ğədimiyə airporti ozod bıkən.

Suriyə hərbion Oktyabri 14ku Deyr-Əl-Zuri şimalədə bıə Əlsalehiyə dişon ozod kardə bən ta bo ım şəhrədə mıhosirə bıə terroristonro komək vığande roon kamilən bastə bıbu.

Isət Deyr-Əl-Zurədə çı Daeşi yeqanə baza Əlbukəmal nomo bıə sərhəddiyə şəhre ki İraği sərhəddi ətrofədə və Suriyə ğıvvon 50 kilometr çəyku fasiləşone.

Suriyə Deyr-Əl-Zur ostan Suriyə şərğədə və İraği sərhəddon nezi ğərorış qəte.