Ərəbistoni sərvətməndon ıştə sərvəti Ərəbistoniku xaric karde fikədən.

Çı Ərəbistoni çandə podşohiyə ailəon və rəsmi şəxson ticarət əkə yolon dəstqir karde bəpeştə ısət xəbə omə çandə ım kişvəri sərvətməndon iyən taciron ıştə sərvəti çı mısodirə bey xətəriku oqətey xoto ıştə Ərəbistoniku xaric karde pidəşone.

Bə Ələxbar sayti raporti əsos Ərəbistonədə çandə taciron və şəhzodəon həbsi bəpeştə ısət vey kəson çı Səudi Ərəbistoni məsələn de fəsod mubarizə barde plani tarsiku ıştə sərvəti Ərəbistoniku xaric karde fikədən ta jıqo ıştə mol-daraiyon nicot bıdən.

Bə həminə raporti əsos vey Səudiyə taciron de bimə kəmpaniya yolon, poli və maliyə koşınason iyən iğtisodi eksperton məslehət karde holədən ta muzakirəon bəpeştə çı hukuməti ım planiku ıştə sərvəti bə co kişvəron bebən.

Xəbə omə ki ısət Ərəbistonədə vey ticari şirkəton erji kam bey ijən ım kişvəri bursi reytinq çı maliyə və iğtisodiyə bohranon xoto beji eqniyə.

Ərəbiston tojədən ım kişvərədə bə 2 həzo nezi bankiyə hisobonış bastə ijən vey şəhzadəon və taciron həbsış kardə.