Tehronədə Əhli Beyt(ə)-i aşiğon beynəl xalğiyə iclos.

İslamiyə oğoətəti beynəl xalğiyə icma rəis votışe: Əhli beyt(ə)-i aşiğon beynəl xalğiyə iclos de islam dınyoku 500 nəfər alimon huzuri Noyabri 22 Tehronədə bərpo bəbe.

İslamiyə oğoətiyə beynəl xalğiyə icma rəis Əli Əkbər Velayəti bə ım iclosi ailə xəbəiyə iclosədə votışe: 2 ruji mıddətdə alimonT zınə kəson və unnversiti tələbəon çı dınyo 94 kişvəronku iştirok bəkan ta təkfiriyə cərəyanon barde votımon və elmiyə iclosışon bıbu.

Velayəti əlovəş kardə: jıqonə iclos ki Əhli Beyt (ə) aşiğon kəno bə təkfiriyə mıvzoon həm diğğət beko, qıləy stajış nıbıə iclose ki bə Əhli Beyt (ə) aşiğon bıə kəson ım eşği sayədə i vırədə cəm bəbən.

Əv həminə iclosədə bərnoməon əsliyə mehvəri Vəhabiyət, çı Əhli Beyt (ə) məfhom və məktəbşenasi təkfiriyə cərəyanon barədə islam dini alimon vindemon islamədə Əhli Beyt (ə)rol islamiyə ummətədə milliyə vəhdəti strateqiya və roon həmçınin islam dınyo roədə omə bohran və problemon onvanış kardə.

Velayəti təsdiğış kardə ki islam dınyo bəbe Əhli Beyt (ə) sayədə ıştə vəhdət və i bemoni hifz bekon.

İslamiyə oğoətiyə beynəl xalğiyə icma rəis ijən bə Suriyədə Təkfiri, Vəhabiyə cərəyanon ğeyri islamiyə hərəkəton dəvom peydo karde işorəş kardə və votışe: ım ki Amerkə navnə xarıci vəzir Hilari Kilinton etırofış kardə ki Suriyədə Amerkə ıştən Daeşi binoş kardə ım çı Amerkə şeytoni xəbisanə və vey mırəkkəbə siyasəton nışonəy.