Çı Ərəbistoni krali bə kəno şe ehtimal ciddi bıə.

Çı Ərəbistoni vey məşhurə ifşo əkə şəxs Muctəhid nomo bıə bloger elanış kardə omə rujonədə Ərəbistoni podşoh krali məğomiku bə kəno bəşe ijən çəy əvəzi çı Ərəbistoni krali caneşin iyən zoə Muhəmməd bin Səlman kral bəbe.

Bə Əlaləm raporti əsos Muctəhid zinə ıştə Tuvitter səhifədə bə Səlman bin Əbdul Əzizi səfəri bə təəxir ığande işorəş kardə və votışe: jıqo bə nəzər omeydə ki Ərəbistoni kral bə Məğrib səfəri bə nav bəştə zoə nəfe və xeyri kralətiku bə kəno bemande.

Ərəbistoni podşoh ki ğərar be bə Məğrib səfər bıkə ım səfəri hələ bə təxir ığandə iyən tojə əmr və dəstorədə çı Ərəbistoni kəşfiyyat idarə rəisəti tojə təşkilati icod karde fikədəy.

Çımi bəpeştə ğərare ki Ərəbistoni həmmə əmniyyəti və informasiya təşkilaton həminə sistemi jiədə ko bıkən ki əv həm de Ərəbistoni podşoh çokə həmkari və rabitəon bəbe.

Isət əmələn Ərəbistoni əmniyyətiyə vəzarətxanə və təşkilaton ixtiyor çı Muhəmməd bin Naifiku xaric və bə tojə podeşoh bərəsiye.