Tehronədə Əhle Beyt(ə)-i aşiğon beynəl xalğiyə iclosi oxonə bəyoniyə.

Zinə şəv iyən Tehronədə Əhle Beyt(ə)-i aşiğon iyən Təkfirion məsələ nomo bıə iclosi oxonə bəyoniyədə iştirok əkəyon qıləy 10 madə xıvand bıə məromnomə çərçivədə ijən bə Fələstini mıvzo əhəmmiyət təkid kardən və çı Fələstini ozod karde iyən mığovimət cəhbə himoyə dorti və komək karde xoto bə İroni səy-cəhdon işorəşon kardən.

Bəyoniyədə omə ki ısətnə şərayetədə ki bəzi mırtəciə hakımon iyən təkfiriyə cərəyanon islam dınyoədə təfrəğə icud kardedən çı islam dini Yolə Peyğomberi əməli və nəzəriyə sirədə ijən mıtoliə və təhğiğ karde lozime.

Bə ım bəyoniyə əsosi islam nab Muhəmmədi(s) çı kərimə Ğıron və Əhle Beyt(ə)-i islame ki de istikbar mubarizə barde holədəy və bə məzlumon himoyə kardedə əmmo Amerkə tərəfo pesoxtə bıə islam hejo çı istekbari şeytoniyə hədəfon təmin kardə və Fələstini məsələ çı yodo bekardəşe.

İclosədə iştirak əkan ijən təkid kardən ki Fələstin həmçınan çı islam dınyo i minə hədəfe ki Təkfiri və Vəhabiyə cərəyanon deştə niyabətiyə canqi hejo Fələstini ozod karde muhimmə məsələ bə təcrid barde hədəfi dumo kardən əmmo islam dınyo bəbe deştə komilə oğoətti de siyonist rejim dustiyəti və sulhiku bə kəno bıbu.

Tehronədə Əhle Beyte İsmət və Təharət(ə)-i aşiğon və Təkfiriyə cərəyanon nomo bıə iclos 2 ruji bəpeştə zinə şəv bə oxo rəse.

Im iclosədə muxtəlif kişvəronku 800 qılə dini alim iştirok kardə bıən.