Guds hejo Ərəbi-İslami bəmande.

İroni xarıci vəzir çı Vaşənqtoni tojə ğəroli siyonist pesoxtə bıə rejimi paytəxti telavivi əvəzi Gudsədə ğeyd karde barədə təkidış kardə: Guds hejo Ərəbi-İslami bəmande.

Muhəmməd Cəvad Zərif ıştə Tuvitter səhifədə iyən de Ərəbi zıvoni ğeydış kardə: Guds hejo Ərəbi-İslami bəmande və ım bə hiç kəsi iradə vabəstə ni.

Bə sıpiyə bino elani əsos Amerika prezident Donald Tramp zinə ıştə ğəroli siyonist pesoxtə bıə rejimi paytəxti telavivi əvəzi Gudsədə ğeyd karde barədə elanış kardə əmo çəy icra karde bo 6 manqi bə təxir eğandə.

Çı Tramp iyən Benyanim Netanyahu ım ğərol siyonist pesoxtə bıə rejimi paytəxti telavivi əvəzi Gudsədə ğeyd karde de Fələstinıjon iyən Beynəl-Xalğ umum iştimaeiyəti reaksiya dim bə dim bıə.

siyonist rejim çimiku bənav həm vey kişvəronku tələbış kardə ki ıştə sifarət xonəşon telaviviku bə Guds intiğal bıdon əmmo kişvəron çi umum iştimaiyəti fişaron tarsiku ım ko əncom doəşon ni.

Im ki ısət Amerkə bənə i minnə kişvər ım məkrinə plani icra karde fikədəy çandə çın kişvəri rəsmi şəxson və ğanon soxte prosesədə siyonist rejimi lobbion nıfozi əlomətdore.

Benyanim Netanyahu hejo Tramp çı siyonist rejimi siyasəton himoyə əkə ğeydış kardə.