8 milyon yəmənıj ğəhti xətoədə dim bə dimin.

İ bə milləton təşkilatdə insondustə koon bə ğaidə noeyu məsul şəxs Cimi Mək Qoldik zinə şanqo qıləy bəyonotdə yəmənı bevəcə vəziyyəti barədə işarəş karde və votışe:8 milyon 400 həzo yəmənıj de ğəhti xəto dim bə dimin.

Bə İRNA xəbon əsosi ım bəyonotdə oməy yəmənı roon muhasirə karde ım məmləkətdə de şiddəti bə enerji xurəki maddon iyən dəmoni kam be bois bə və bə  inson dustə koməkon ehtiyoc bə kəson ədədi əlavəş kardə.

Nezə şərğ  və Şimal Afrikaədə bıə Yunisef mudiri Qret Kabiliyari həm nako votəş be 11 milyonisən ve yəmənı hırdəniyonku təciliyə sorətədə bə insoniyə koməkon ehtiyocişon heste.

İ bə milləton təşkilati rəis Antoniyo Qotereş həm zinə de CNN xəbəriyə kanali təşkil doə votımonədə votışe: yəmənı canq qıləy axmaxə canqe.