Ğasımi: Fələstiniku himoyə karde çı İroni xarıci siyasəti qıləy mıtləğə həğiğəte.
İroni xarıci vəzarətxanə sıxənəvot bə Fələstini milləti himoyə dorti karde barədə bə İroni komilə hozzoəti işorəş kardə və votışe: çı İstanbuli tojə iclosi bəzi sənədonədə ki siyonist rejim sərost və ya ğeyri sərost rəsmi zınə be və islamiyə kişvəron zəifə vindemon əyo drəc bıə de İroni nəzər həmohənq ni.
Bəhram Ğasımi tojədən Tırkiyədə bıə islamiyə həmkari təşkilati iclosi barədə ki bə Fələstin milləti himoyə dorti kardero bərpo be votışe: İron çı Fələstini milləti həxon himoyə karde kənoədə vey kərə elanış kardə ki Tırkiyədə islamiyə kişvəron təsdiğ bıə ğətnoməku himoyə dorti kard məno çı siyonist hıdən əkışt və ğeyri ğanuniyə rejimi mahiyət və vıcudiku himoyəon xoto təhlil karde əbe ni boçi ki İron hiç faxt ım rejimi ğanuni zendə ni.
Bə İrib raporti əsos İroni xarıci vəzarətxanə sıxənəvot əlovəş kardə: ım mıvzo bənə rəsmiyə vindemon və sənədi bə islami həmkari liqa elan be.
Bə sıpiyə bino elani əsos Amerika prezident Donald Tramp ıştə ğəroli siyonist pesoxtə bıə rejimi paytəxti telavivi əvəzi Gudsədə ğeyd karde barədə elanış kardə əmo çəy icra karde bo 6 manqi bə təxir eğandə.
Im ki ısət Amerkə bənə i minnə kişvər ım məkrinə plani icra karde fikədəy çandə çın kişvəri rəsmi şəxsonədə siyonist rejimi lobbion nıfozi əlomətdore.
Amerkə prezidenti tojə ğəroli ijən Ğudsi bənə çı siyonist rejimi paytəxt elan karde məhkum kardero de Tırkiyə tələbi bərobər İslamiyə Həmkari Təşkilati fovğəlodə iclos Dekabri 12 iyən 13 minə ruji İstanbulədə bərpo be.
