İron və Ermənistani miyono rabitəon çimiku vey hevuj bəbe.

Ermənistani prezident siyasi, iğtisodi və mədəni sahədə İron və Ermənistani miyono bə əloğəon inkişof doe təkidış kardə.

Bə Mehr aqentiyəti raporti əsos Serj Serkisiyan tojədən Ermənistan və İroni miyono əloğəonış vey mısbət zınəş be və votışe: muxtəlif sahəonədə Ermənistan və İroni miyono əloğəon inkişof doe çəmə məğsəde.

Əv Ğərəboği barədə çı İroni be tərəfə vindımoniku ğədrdonətiş kardə ijən votışe: qıləy şərayetədə ki Azərbaycan Respublika çı İroni mıştərəkə mənafeku bəştə aid istifodə kardero cəhd kardə əmmo İron hejo Ğərəboği barədə be tərəfə vindımonış heste.

Serkissiyan İroni ətomiyə təvafuği həm vey mısbət və çokə foydəinə mığovilə hisobış kardə.

İron və  Ermənistani moyono iğtisodi əloğəon erj har sor 300 milyon dollare ki bə 2 tərəfiyə mığoviləon iyən 2 qılə kişvəri prezidenton vindımoni əsos heyəton çəy ziyod kardero cəhd kardən.