İron hejo Suriyə peştədə bəmande.

Beynəl xalğ sahədə İroni islamiyə Şura məclesi məxsusə məsləhətçi detosə oxonə səbarzəti faxti bə Suriyə millət və dıvlət komək kardeku xəbəş do iyən bə İroni himoyəon dəvom peydo karde təkidış kardə.

Bə İrna raporti əsos Husein Əmir Əbdullahiyan təkidış kardə ki de terrorizm mubarizə barde sahədə İroni himoyəon iyən obdon əkə proyektonədə Suriyədə İroni huzur qıləy dəğiğ və səhihə ğərole ki çı İroni milli əmniyyəti və məntəğə stabileti cəhətədə təhlil bıdə.

Əv bə Yəmənədə bohrani dəvom peydo karde işorəş kardə və votışe: Səudion hejo bə Yəmən təcavoz kardero bəştə stratejik xotoon dəvom dodən.

Beynəl xalğ sahədə İroni islamiyə Şura məclesi məxsusə məsləhətçi Ərəbiston, İ Bıə Ərəbon və co kişvəron tərəfiku Yəməni mıhosirə dəvom doe ım kişvərədə bohrani vey dəheştin bey amil zınəş be.