Elmi istihsol inkişofi sahədə İroni məntəğəiyə rutbə.

İroni texnoloqiya, təhğiğon və elmon vəzir votışe: İron İslam Respublika hali hazirədə elmi istihsol inkişof sahədə məntəğədə i minə rutbə və dınyoədə 16-nə vırəş heste.

Bə İrib raporti əsos, İroni texnoloqiya, təhğiğon və elmon vəzir votışe Mənsor Ğolami ımruj Tehronədə Xarəzmi beynəl xalğiyə iclosədə əlovəş kardə: İron qılə holədə ki dınyo cəmiyətiku i faiz cəmiyəti xıvande bə 2 faiz nezi beynəl xalğiyə məğaləon iyən bə 3 faiz nezi vey eteborinə məğaləon çı ostadon iyən elmi təhğiğ əkəyon tərəfiku istehsolış kardə.

Ğolami votışe: elm və texnoloqiya sahədə İron hejo fəalə huzurış heste ijən qılə holədə ki bə inkişof rəsə kişvəron mığoisədə vey inkişofi binoş kardə əmmo İronədə ım sahədə çandə ərjinə ozavziyə və hevojətion ısət mışohidə bedə.

İroni texnoloqiya, təhğiğon və elmon vəzir votışe: bə İroni bərnoməon iyən kişvərədə icod bıə zəminəon elmi inkişof çımiku vey ziyod karde işorəş kardə və votışe: ımsor İroniku tojə texnoloqiya və elmiyə ozavziyə xıvand məhsulon eksport bə 230 milyon dollar bərəse iyən həminə muvəffəğiyətonku vey ni bomi ekoloqiya sahədə mışohidə bedə ki İroni ostadon, elmi heyət və unniversiti tələbəon iyən təhğiğ əkəyon zəhmətiku bə dast omə.