İron və Ermənistoni miyono iğtisodi həmkarion inkişof.

Ermənistoni i minə vəzir de İroni enerji vəzir vindımon karde votışe: bəbe 2 qılə kişvəri miyono 2 tərəfi iğtisodi həmkarion bənə siyasi çokə rabitəon hevoj bıbu iyən bə mınosibə miğdor bırəsi.

Karen Karaptiyan zinə İrəvanədə de İroni enerji vəzir Reza Ərdekaniyan vindımon karde bə 2 qılə kişvəri miyono iğtisodi əloğəon 15 nə mıştərəkə kamissiya muvəffəğə icloson işorəş kardə iyən votışe: ım kamissiya karde bəzne 2 qılə kişvəri miyono iğtisodi həmkarion inkişofi zəmminə bıbu.

Reza Ərdekaniyan həm bə İron və Ermənistoni miyono kanə rabitəon sabiğə əsosi omidvar be: həminə iğtisodiyə kamissiyaon sayədə ijən de diğğət bə Erməniston və İroni miyono mıştərəkə mıcudə nuktəon iğtisodi əloğəon həm hevuj bıbu.

İroni enerji vəzir ijən de Ermənistoni təbii mənbəon və enerji inestroktoron vəzir vindımon karde votışe: İroni bərği bə Erməniston sadir kardero 3 nə xəti soxtə proyekton həm detosə 2018 minə sori oxo komil bəbe.

Aşub Manokiyan həm votışe: ım proyekt çı şimal cənub Dehlizi beynəl xalğiyə proyekton çərçivədə icra be ijən İroni kəmpaniya və şirkətonku karde keyfiyəti barədə Erməniston vey kərə işorəş kardə.

İron və Ermənistoni miyono iğtisodi əloğəon inkişofi barədə 15 nə iclosədə ki zinə Ermənistonədə bərpo be 4 qılə həmkari mığoviləon iğtisod, komrok və varzış sahədə imzo be.

İroni enerji vəzir Reza Ərdekaniyan bə çəy xoto bə İrovan səfərış kardə.