Xan yunisı şərğədə fələstinıjə divoji şəhodət.
Fələstinı səhiyyə vəzorətxonə elanış karde qıləy fələstinıjə divoj ki ditəsərrufati koonədə bə fəaliyyət karde məşğul be Ğəzzə cənub Xan Yunisı şərğ hissədə sionist rejimi hərbion ğandə qullə nəticədə bə şəhodət rəsə.
Fələstiniyə mənbəon elanışon kardə Muhəmməd Əta Əbucame fələstinı 59 sorə divoj zinə Xan Yunisı şərğ hissədə sionist rejimi hərbion ğandə qullə nəticədə şəhid bə.
Bə ğudsı intifazə ıstatistika mərkəzi elanon əsosi sionist rejimi hərbion dəvardə miladiyə manqədə 33 kərə bə fələstinıjə divojon ki bə di təsərrufati koon iyən moy qəte məşğul bən qullə ğandən və ım mıddətdə fələstinıjə şəhrvandonku 9 nəfər sionist rejimi hərbion dastədə şəhid bən.
eyne holədə sionist rejim dəvardə miladiyə manqi İordan ru ğərbiyə sahil Ğuds və ğəzzədə 349 nəfər fələstinıjə şəhrvandış dastqir kardə ki 62 nəfər bəvonku hırdən hestin.
