Turkiyə hərbiyə təhdidon bəpeştə iraği Səncar şəhri sakinon tıledən.

İraği milliyə parlamentədə izədiyə kırdon nomayəndə qıləy bəyonotədə elanış karde Turkiyə president Rəcəb Təyyib Ərdoğanı hərbiyə təhdidon bəpeştə Səncar şəhri cəmaət ıştə jimon kardə vırəku tıle holədə hestin.

Rəcəb Təyyib Ərdoğan marti 19 minnə ruji ıştə qəponədə Turkiyə silahlinə ğıvvon tərəfo ım məntəğədə PKK uzvon arəku bardeyu iraği şimal Səncar şəhrədə hərbiyə əməliyati bərpo karde ehtimaliku xəbəş doə be.

Bə İRNA xəbon əsosi iraği milliyə parlamentədə izədiyə kırdon nomayəndə Fiyan Dəxil Ərdoğanı qəponku ıştə niqəranətiş elan karde və iraği mərkəziyə devlətiku tələbış karde bə Səncarı zid Ərdoğanı ciddi təhdidon vədə ıştə siyasəti oşko bəyon bıkə.