İraği şimalədə Tırkiyə hərbi əməliyot.

Tırkiyə prezident İraği şimal Sencar şəhrədə Ankara hərbi əməliyoton bino beyu xəbəş do.

Bə İrib raporti əsos Rəcəb Təyyeb Ərdoğan Terabuzanədə bə Tırkiyə daxil iyən xaricədə terroriston məhv karde əməliyaton işorəş kardə iyən votışe: ısət Sencaədə bo P.Ka.Ka ozvon məhv kardero hərbi əməliyoton bino bıə.

Ərdoğan iddiyoş kardə: əmə çı Əfrini məzlumon kənoədəmon iyən bə çəmə vindımoni əsos de terrurizm mobarizə barde hejo dəvomış heste və bəbe Təlli Rəfəf şəhri həm ozod kəmon.

Çı Ankara dıvləti ım iddiyo qıləy şəroyetədəy ki Bəğdodi dıvlət çand ruj çımiku bə nav ıştə muxalifətış de Tırkiyə ım təcavoz elan kardə be ijən əməliyaton oroxniyə tələbış kardə.

Bə Suriyə Kırdon zidd çı Tırkiyə zeytoni xol nomo bıə hərbiyə əməliyat yanvari 20-nə rujiku Suriyə şimal ğərb Əfrinədə bino be.

Isət Tırkiyə de Suriyə Ozod nomo bıə pesoxtə bıə nimə hərbiyon koməki çı Suriyə Əfrin şəhri ışğolış kardə.

Suriyə dıvlət ım əməliyati məhkumış kardə.