Ğazaxıstonədə Nəvuzə İdi mərasimon.

Ğazaxıstoni paytəxt Astanədə de İronıjon ıştiroki Nəvuzə İdi məxsus mərasimon bərpo be.

Bə İRNA raporti əsosi Ğazaxıstonədə bıə ironi səfir Muctəba Dəmirçilu ım mərasimədə Nəvuzə İdi çı İroni mədəni vey muhimmə rişəonku qıləyni elan və ım İdi insoni iyən mədəniyə baxşon barədə nıtğış kardə.

Ğazaxıstonədə İroni mədəniyə mışovir Məsud Zeynuddin həm bə Farsi ədəbiyotədə bıə Nəvuzə İdi əhəmmiyət işorəş kardə və votışe: Nəvuzə İd heju bo İronıjə şaironro ilham əbaxş be ijən Nəvuzə İdi vəsfəd vey ğəşənğə əsəron ofəyə bıən.

De İronıjə rişə xıvand bıə Nəvuzə İd bino bey həmzəman 12 qılə kişvəronədə məxsus mərasion bərpo bıdə.

Isət çand sore ki İ Bıə Milləton Təşkilatədə Martə manqi 21 bənə sulh mədəniyəti simvol ğeyd be.