Ğətər fələstinı millətiku himoyə kardeş tələb kardə.
Apr 05, 2018 07:12 Asia/Tehran
Bə fələstinıjon zid sionist rejimi tojə cinayəton bəpeştə ğətərı devlət fələstinı millətiku himoyə kardeyu təciliyə sorətədə beynəlxalğə ictimaiyəti tədbironış tələb kardə.
2018 minnə sori martə manqi 30 nə rujiku ki oqarde yolə həxi aksiya təşkil bə desbə ısət 19 qılə fələstinıj bə şəhodət rəsən və 1 həzo 900 nəfərisə ve yarəjə bən.
ım aksiya zəminı ruji sorəqardışi xoto bərpo bə və ısət həm dəvomış heste.
bə ğətərı devlətiyə aqentəti(Ğəna) nəğli əsos İRNA elanış ka ğətərı 1 minnə vəzir Əbdullah Bin Nasir Bin Xəlifə Ale Sani zinə sionist rejimi cinayətonış məhkum karde və bə fələstinı milləti zid canqiyə cinayəton oxo doeyu bə ım rejimi zid təziğon rost karde həxədə işarəş karde.