Qeneral Bağıri: İroni silohinə ğıvvon komilə surətədə hozzon.

İroni silohinə ğıvvon mərkəziyə ğərorqo rəis votışe: mudafiə iyən hərbi hozzoətəti sahədə İroni silohinə ğıvvon har zəmoniku vey kamilən hozzon.

Bə məclis aqentiyəti raporti əsos qeneral mayor Muhəmməd Bağıri ımruj İroni məclisədə əlovəş kardə: mudafiə ğudrəti inkişof doero İron hiç kişvər ya ğudrəti icozə ya sere intizorədə vi iyən silohinə ğıvvon bənə İroni milləti himoyə əkə iyən islamiyə sərzəmini sərhədon və milli mənafe mudafiə əkə əsqər bəştə vəzifə əncom doe holədən.

İroni silohinə ğıvvon mərkəziyə ğərorqo rəis həmmə millətontarixədə yolə canqon qıləy muhimmə mərhələ hisob kardə və votışe: 8 sornə icbor bıə canqi mıddətədə İroni millət nı ın ki ıştə sərzəminiku bə dum nı mandəy bəlkəm de səbarzəti detosə bə ısət kişvəri əmniyyəti təmin kardə.

Əv təsdiğ kardə: İroni millət de İroni islamiyə nizomi təsis əkə mərhum İmom Xomeyni rəhbərti və fərmondəti karde zınəş be icboriə canqiku dəvardə, deşməntion vəy qəte ijən canqi sə kə.

Qeneral mayor Bağıri təkid kardə ki Xorəm şəhri ozodtəti, bə təcavoz kardə deşməni huccum karde, əy məğlub və be kardero vey muhimmə haadisə be.

Maştə (Mayə manqi 24) Xordadə manqi 3 bə İron icbor bıə 8 sornə canqi cərəyonədə Xorəm şəhri ozod karde sorqardışe.