sionist rejimi bə Ğəzzə zid həvoiyə hucum.

sionist rejimi hərbiyə təyarəon ımruj sıb bə Ğəzzə bəzi məntəğon hucumışon barde.

Bə "Məa" nomo fələstiniyə aqentəti nəğli əsosi İRNA elanış kardə  bə şohidon votəyon əsosi sionist rejimi hərbiyə təyarəon ımruj sıb çandəkərə bə Ğəzzə cənub  Rəfəh şəhri ğərb hissə hucumışon bardə.

çımi bə nav həm sionist rejimi artileriya qrup bə Ğəzzə şəhri şərğiyə məntəğon hucum bardən.

co tərəfədə ƏlməyadinTV qıləy təciliyə xəbədə elan kardə Muhəmməd Nəim Həmadə ki mayə manqi miyonə rujonədə "oqarde həxi" aksiyaədə Ğəzzə şərğ hissədə yarəjə bə be yarə şidətin be xoto bə şəhodət rəsə.

oqarde həxi dincə aksiya martə manqi 30 minnə rujiku "Zəminı ruji" mınosibəti Ğəzzə məntəğədə təşkil bə və eyne holədə dəvomış heste.

marti 30 minnə rujiku desbə ısət 120 qılə fələstinıj həminə aksiyaonədə de sionist rejimi hərbion ğandə qullə nəticədə şəhid və təğribən 13 həzo nəfər həm yarəjə bən.

Bə fələstinı səhiyə vəzorətxonə elani əsosi şəhidon miyonədə 13 qılə hırdən heste.

2 həzo nəfərisə ve hırdən və 1 həzo qılə jen yarəjəon miyonədə heste.

xəyli məmləkəton mincumlə İron İslam Respublika iyən beynəlxalğə təşkilaton sioniston ım cinayətonışon məhkum kardə.