Əfğanistanı şərğ hissədə Amerkə hərbionku 5 nəfəri həlokət.
Jul 03, 2018 14:23 Asia/Tehran
Əfğanistanı şərğ Loqər vilayətdə talebanı bə Amerkə hərbiyə kərvoni hucumədə Amerkə 5 qılə hərbi kıştə bedən.
Bə Təsnim aqentəti ımrujnə xəbon əsosi əfğanistanı Loqər vilayəti polisi sıxanəvot Şahpur Ərəb elanış kardetalebanı uzvon zinə Loqər vilayəti mərkəz Polelm şəhristani nezi Padxab məntəğə neziədə bə amerkəvıjə hərbiyə kərvoni hucum bardən ki ım hucumədə Amerkə hərbionku çandə nəfər həm yarəjə bedən və çəvon 2 qılə hərbiyə maşin həm arəku şedə.
Loqər vilayəti şura rəis Həsib həm Loqər vilayətdə talebanı bə amerkəvıjon hərbiyə kərvoni hucumış təsdiğ kardə.
əv votəşe Amerkə hərbion bəştə mərkəz oqarde holədə bən ki talebanı ğıvvon bəvon hucum bardən.
