ASEAN kişvəron tərkibədə de terrorizm mubarizə barde xoto Russiyə ıştə hozzı bey elanış kardə.
Russiyə xarıci vəzir elanış kardə, Asiya cənub şərğ ittifoği uzv bıə kişvəron(ASEAN) tərkibədə de terrorizm mubarizə barde xoto Maskva bo zumandə həmkarion hozzıe.
Bə Tas aqentiyəti raporti əsos Russiyə xarıci vəzir Serqi Lavrov zinə Sinqapurədə bıə ASEAN kişvəron xarıci vəziron iclosədə elanış kardə: Moskva həm de ASEAN kişvəron həmmə zəminəonədə əcumlə dınyo tojə təhdidon və bıhranon vədə mığubilə karde iyən de terrorizm mubarizə barde zumandə həmkarion tələb kardedə.
Lavrov əlovəş kardə: Russiyə və ASEAN kişvəron, bəbe həmmə təklif bıə planon, iğtisodi iyən ticari həmkarion çərçivədə məxsusən enerji, kaştevonəti, səhiyyə və mıolicə, ruk və miyonə ticariyə şirkəton ijən ekoloğiya əloğə roon barəd təhğiğ və təğib bıkan.
Russiyə xarıci vəzir izhorəş kardə, beşək ımsornə Avqust manqədə ASEAN kişvəron iğtisod vəziron iclosədə, bo de Russiyə zumandə əloğəonn icod karde mısbət və sazəndə nəticəon bə dast bome.
Russiyə xarıci vəzir Serqi Lavrov bo ASEAN uzv bıə kişvəron xarıci vəziron iclosədə işritok karde iyən məntəğə və dınyo mıvzoon barədə muzakirə karde bə Sinqapur səfərış kardə be.
Malaziya, İndoneziya, Tayland, Vyetnam, Kamboc, Filipin, Sinqapur, Myanma, Laus, Bronei çı ASEAN-i uzvonin.
