Dınyo məmləkətonədə İmom Huseyn(ə) əzadarə tədbiron

Sentyabri 20, Məhərrəmə manqi 10-minə - Aşura ruj dınyo Əhli -beyt (ə) aşiğon tərəfo har sor de əzəmətinə əzadarəti ğeyd bıə ruje.

Aşura şəvi İmom Xomeyni (r.ə) nominə huseyniyyədə de Ali Rəhbər Ayətullah Seyid Əli Xamenei iştiraki bo İmom Huseyn (ə) və Kərbəlo faciə diqər şəhidon əzadarə mərasim dəvarde. “Maide.az” bə “Leader.ir” sayti əsasən xəbə doşe ki, cand həzo nəfər insoni iştirak kardə ım tədbirədə Əhli-beyt (ə) məddahon İmom Huseyn (ə) hərəkati və Aşura usyani mahiyyət şərh kardəşone, mərsiyyə və nohəon handəşone.

Ourcistoni Marneuli şəhərədə de Ali Dini İdarə və "İmom Əli"(ə) nominə Xeyriyyə fondi təşəbbusi məhərrəmə ehsan doəşone. Tasua şemon təşkil kardəşone.

Almaniya Berlin şəhəri İmom Cəfəri – Sadığ(ə) məçitədə Əhli-beyt (ə) tərəfdaronən bə əzadərə məclis qırd bıən, məsiyə votəşone, sinə jəşone.

Çe Amerika Miçiqan ştati mısılmononən de Kərbəlo hadisə əlağədar matəmə şemon təşkil kardəşone, şuaron votəşone, plakat və pərçəmon numayiş kardəşone. Im aksiya anədə əzəmətin dəvardə ki, ğeyri-mısılmononən bey umjən qıniən, keşvəri mətbuatiən əv herı-hevuj muzakirə kardəşe.

Az.R-ədə Aşura ruji ĞMİ de Səhiyyə Vəzarəti bahəm xundoə aksiya təşkil kardəşone. Çe Respublika 24 qılə rayoni 20 qılə məçit və 8 qılə mərizxonədə xun doe ro punkton fəaliyyətədə bən.

“Sputnik Azərbaycan”i doə xəbəku məlum bedə ki, tosə peşçoştə saat 16 Respublikadə cəmi 5 həzo 340 nəfəriku 2 həzo 403 litr xun peqətə bıə.