Amerkə koalisiya bə Suriyə şərğ həvoiyə hucum.

Amerkə koalisiya hərbiyə təyyarəon bə Suriyə şərğ ğeyre hərbiyə binaon hucumədə 23 nəfər Suriyə ğeyre hərbionku şəhid bedən.

Bə Əlaləm xəbon əsosi Suriyə ım 23 qılə ğeyre hərbi Amerkə koalisiya hərbiyə təyyarəon zinə əsrə  vaxti Suriyə şərğ Deyruzzur ostani Əlsosə və Əlbobədran nomo mikrorəyonon bombardımonədə şəhid bən.

Im  həvoiyə hucumədə Suriyə xəyli ğeyre hərbiyə şəhidonku yarəjə bedən.

Amerkə və çəy şərikon 2014 minnə sori de İŞİD terroristiyə qrupi mubarizə barde nomo,İ bə milləton təşkilatiku bə kəno və de Suriyə devlət məsləhət nıkardeədə qıləy koalisiyaş təşkil do.

ım amerkaiyə koalisiya desbə ısət İrağ və suriyədə xəyli be qınoə şəhrvandış şəhid kardə.