Zərif: hiç kəs Tehron-Bəğdad rabitədə mıdoxilə karde həxış ni.

İrağədə İroni xarıci vəziri votışe: İron və İraği rabitəon vey zumandin iyən çəy dılədə mıdoxilə karde bə hiç kəs icozə nibədamon.

Bə İrna raporti əsos, İroni xarıci vəzir Bəğdadədə de İraği xarıci vəzir Muhəmməd Əli Həkim vindemoni bəpeştə əlovəş do: ım vindemonədə bəyon bıə mıvzoon və mehvəron muxtəlifə sahəonədə 2 tərəfiyə rabitəon və beynəl xalğiyə təşkilaton çərçivədə həmkari be.

Zərif 2 qılə kişvəri miyono qəmirome və Ərvənd ru iyən Şətulərəb ovi mənbəon barədə qıləy mıştərəkə komitə təşkil doe barədə mıştərikə kamitə bərpo karde xoto muzakironku xəbəş do.

Zərif ijən ərəb dınyo de Suriyə rabitəon normal karde ijən bə Ərəb Liqa Suriyə oqarde xoto həmmə cəhdonku İron və İraği himayədorəti karde barədə xəbəş do.

İroni xarıci vəzir təkidış kardə İron İslam Respublika nəzəku məntəğədə əsliyə xətər sionist rejimiku himoyədorəti kardeye .

İroni xarıci vəzir zinə de İraği rəsmi şəxson vindemon karde iyən Bəğdad, Soleymaniyə və Kərbəloədə 2 qılə kişvəri xusosi baxşon iğtisodiyə fəalon ticari 3 minə iclosədə iştirok karde xoto bə ım kişvər səfərış karde.

Zərif ğərore ki ım 4 rujiyə səfərədə de İraği prezident "Bərhəm Saleh", iyən i-nə vəzir "Adel Əbdul Məhdi" və çı parlemanti rəis "Muhəmməd Əlhəblosi" vindemon və sohbətış ka.