Bəğdod Tırkiyə hərbion bə irağıjə etirazəkon tərəf qullə ğandeş məhkum karde.

İraği xarici koon vəzorətxonə İraği kırdıstonı məntəğədə Dəhol ostanədə bə Tırkiyə hərbion huzuri,etirazəkon tərəf Tırkiyə hərbiyə ğıvvon qullə ğandeş məhkum karde.

Bə İRNA xəbon əsosi İraği xarici koon vəzorətxonə sıxanəvot zinə şanqo qıləy bəyonotədə Tırkiyə hərbion hərəkətış Dəhok ostani Şiladzi məntəğədə bə irağıjə şəhrvandon zid qullə ğandeş ki bə çandə nəfəri kışte və yarəjə be bois bə məhkumış karde.

İraği xarici koon vəziri votışe: bı rəvi bəğdodə bıə Tırkiyə səfiriku tələb bəkay cəvob doeyu hozzı bıbo.

çandə 10 nəfər iraği etirazəkonku zinə əsrə vaxti Dəhok ostani şərğ Şiladzi məntəğədə bə Tırkiyə hərbion mərkəz daxil bedən, 2 qılə tank, 4 qılə hərbiyə maşini iyən ım hərbiyə mərkəzədə bıə təchizaton otəş jedən.

İrağıjə etirazəkon ıştə məmləkəti əraziku tırkiyə hərbion xaric be və bə İraği kırdıstonı məntəğəon Tırkiyə həvoiyə hucumon ğət be tələb kardən.

ım hərəkəti vədə Tırkiyə hərbion bə irağıjə şəhrvandon tərəf qullə ğandən.

desbə ısət Dəhokı hadisə nəticədə tələfat və yarəjonku heç qılə məlumat nəşr bə ni.