İron məntəğədə bıhran icod karde pidəş ni.

İroni xarıci vəzir votışe: İron de muxtəlifə kişvəron əcumlə Ərəbıston rabitə bərğəror kardeədə bıhran icod karde pidəş ni.

Bə İrna raporti əsos İrağədə İroni xarıci vəzir de İraği mediyaon xəbəiyə iclosədə bə Ərəbiston səfər karde ehtımali barədə votışe: bə Ərəbiston səfər kardero hələ hiç bərnoməi mıəyyən bə ni əmmo əqə imkan bıbu problem ni boçi ki İron de Ərəbiston əloğəonədə bıhran icod karde fikədə ni bəlkəm çəy əvəzi Ərəbistoni siyasətonin ki tam məntəğədə bıhranon icod kardedə.

İroni xarıci vəzir bə Amerkə be ğanunə hərəkəton işorəş karde və votışe: Vaşenqton nə in ki ıştən beynəl xalğ ğanuni ləğv kardedə bəlkəm co kişvəron bə be ğanunə rəftori məcbor kardedə.

Zərif çı Amerkə ım siyasəti vey xətərnok iyən bənə dınyoədə təhdid hisobış karde.

İroni xarıci vəzir ım iclosədə omidvar be ki bənə İrağ və Avropa, co kişvəron həm Amerkə jıqonə be ğanunə hərəkəton vədə be mandon.