De Həzrəte Rəsul(s) məbəs ruji mınosibəti təbrik.

Imruj hecri ğəməri 1440-nə sori Rəcəbə manqi 27, miladi 2019-nə sori Apreli 3, təğvimədə İslami əzizə Peyğəmbər Həzrət Muhəmməd(s) məbəs ruji sorəqardış ğeyd bıə.

Məbəs qıləy ide ki Xıdo tərəfo Muhəmməde Mustəfa(s) bə risalət iyən pəyğombərəti məğom intixab be.

Xıdo Rəsul(s) məbəs iyən de bə Həzrəti pokə dıl pərvərdıqari kəlomi nazil bey insonon jimoni hidayət iyən əvoni şırk, beədoləti, nohəxion, nodonəti iyən fəsodiku xilos karde xoto qıləy muhimmə hadisə be ta inson de tohid və kəroməti vasitə bə ədolət iyən mənəviyəti tərəf hərəkət bıkə.

Muhəmməde Əmin(s) 40 sorəti sinədə iyən Məkkədə bıə Həra mağarədə de Cəbrəili vositə Xıdovənde Xalıği besət vardə mesaji məse bəpeştə bənə oxonə vıjniyə bıə pəyğombəri təein be ta hərəbaxtəti iyən səadət roon bə dınyo nışo bıdə.

İroni Tolışi Rədio tərəfo dınyo mısılmonon yolə id, məbəs idi mınosibəti bə dınyo mıslmonon məxsusən tolışə həmzıvonon təbrik ərz kardedəmon.