Zərif: Avropa çı Trampi nəzəron cəlb karde holədəy.

İroni xarıci vəzir İroni ijən təziğ vəzyətdə ğəror doe barədə Avropa kişvəron tojə hərəkətonış tənğidış karde və votışe: ətomiyə sazışiku Amerkə xaric bey bəpeştə Avropa çı Amerkə iğtisadi terrorizmi vədə mande əvəzi bə Tramp xidmət karde holədəy.

Muhəmməd Cəvad Zərif Avropa kişvəron tərəfo İroni rəket bərnomə barədə tojə iddiaon reaksiyadə ıştə Twitter mesaji dılədə ğeydış ka: i sor ətomiyə sazışiku Amerkə xaric bey bəpeştə Avropa həto bo homanitarə kəmonro qıləy maliyə sistemi soxte əzı ni.

Zərif votışe: 3 qılə Avropa kişvəron de İ Bıə Milləton Təşkilati vasitə İroni mudafiə zumandəti və zərfiyəti hədəfışon qəte.

Fransə, Almaniya və İnqiltərə kişvəron, Amerkə be ğanunə hərəkəton vədə mande əvəzi iyən ətomiyə sazışiku İroni mənafe qarantiya karde bə kəno tojədən bə İ Bıə Milləton Təşkilati yol Antoniyo Qoters məktob vığande vasitə İroni rəket bərnoməon Əmniyyət Şura ğətnoməon ləğvəkə elanışon karde; və hol ım ki 2231 iddeoiyə ğətnomədə bə ım məsələ işorəş bə ni.

İroni xarıci vəzir ımruj həm təkidış karde ki Amerkə vədə Avropa kişvəron zu ğıvvəşon ni.