Mayk Pompeo tojə sıxənon barədə İroni xarıci vəziri reaksiya.

Amerkə xarıci vəziri zinə şəvi sohbəton reaksiyadə İroni xarıci vəzir qıləy Tvitter mesajədə jıqonə ğəpon rəftorədə bə i kərə əvəzon çərçivədə zınəş be.

Bə Fars aqentiyəti raporti əsos Muhəmməd Cəvad Zərif təkidış karde: Amerkə i ruj İroni bənə məhv bıə kişvər zınəydə və peşo bə i kərə İroni bənə yolə ğudrət hisob kardedə ki Nato mənafe təhdidəkəy.

Zərif əlovəş karde: Mayk Pompeo və çəy rəis de təəsufi jıqo həmohənqə iddiaon bə şərayeti əsos bəyon kardən əmmo İron hejo de məsoliyəti iyən sulhtələbəti rəftor kardedə.

Nato hərbi təşkilati tojə iclosi bəpeştə Amerkə xarıci vəzir İronış ım təşkilati təhdidəkə elanış karde iyən iddeoş be: Vaşenqton de anti İron sanksiyaon İroni mali mənbəon məhdud karde holədəy.

Pompeo tərəfo iddeaon qıləy şərayetədəy əv çımiku bənav İronış qıləy bə məhv bey hərəkətəkə kişvər elanış kardə be.