İroni sepah təşkilatiku himoyəon dəvom kardedə.

Çı Amerkə anti İron siyasəton məhkum karde dəvom kardedə; çəy bəpeştə ki Tramp İroni sepah təşkilati bənə terroristiyə qrup elanış karde məntəğədə bıə muğavimət qrupon iyən mıstəğilə kişvəron ijən sepah təşkilatiku himoyədorətişon karde.

Bəhreyni cıvonə inğilabiyon i bemon zinə qıləy bəyoniyədə Amerkə kişvəri siyasəton dınyoədə terrorizmi prosniyə amil ğeyd bıə iyən sepah təşkilati terroristiyə qrupelan bey ijən dınyoədə terroristiyə qruponku Amerkə himoyəon dəvom ğeyd bıə ki çəy hədəf muğavimət qrupon zəif kardeye.

Livani Hezbullah təşkilati muavin həm Trampi tojə hərəkəti məhkumış karde və votışe: ım siyasət çı İroni həx-huğuği ləğv karde mənodəy əmmo İron hejo və həmmə bıhranonku de zumandəti dəvardedə.

İraği kəşfiyat idarə rəis qeneral Səed Elağ həm Suriyə və İrağədə bıə terrorçiyon məhv karde cərəyonədə bə sepah təşkilati muhimmə rol işorəş karde.

İraği sinə alimon i bemoni sıxənəvot Amir Əlbəyati həm tojədən Amerkə rəsmi şəxsonış terrorizmi icodəkə elanış karde və votışe: sepah iyən muğavimət cayeli ni bə mande.

Tırkiyə xarıci vəzir Molod Çavoş Oğlu həm ijən Amerkə tərəfo sepah təşkilati nomi terroristiyə qrupon siyahidə ğeyd karde qıləy ğələt və nadırıstə ku hisobış karde.